Колядки и Щедровки, записанные по ту сторону р. Сяна, на Северозападном Погорье Карпат, у Лемков


...Наконец песни северо-эападного погорья (Лемков) двояки: одни имеют Русский (местный) облик, другие же заимствованы, или переделаны, из Словацких и Польских народных песен. Первые и по языку чище, вторые же переполнены Словацкими и Польскими особенностями. Такие же по большей части и Угорско-Русские песни. Меж ними есть даже и Словацкие, так как Угророссы и Лемки поют, вместе с своими, и Словацкие «спеванки». - Я.Ф. Головацкий. Распределение и Оглавление песен

IV 6(5—6), 16(19), 22(28), зап. в с. Калнице Сяноцкого у. (у Лемков)


5 У нашого пана господарейка,
Бог ему дав!
Не заздростьте, панове братья,
Даст и вам!
Стоит соснойка серед рынойки,
В корене сосны перепелойки,
А в пне сосновом яры пчелойки,
Во вершейку сосны чорны кунойки:
Перепелойки пану на обед,
Яры пчелойки пану на медок,
Чорны кунойки паней на шубу.

6 А в нашого пана три соколойки:
Соколе! Не летай рано, ранейко, на поле!
Един полетев в чистейке поле,
Другий полетев в быстры потоки,
Третий полетев в темны лесойки.
Тот, што полетев в чистое поле,
Принес на обед перепелойку;
Тот, што полетев в быстры потоки, %
Принес рыбойку та на снеданя;
Тот, што полетев в темны лесойки,
Принес вон пану чорну кунойку,
З чорной кунойки паней шубойка.

19 На оной гopе, оной высокой,
Собота, Собота, гора высока!
Там же ми оре золотый плужок,
Там же ми оре сам милый Господь,
А Святый Петро ему поганят,
Божая Мати насеня носит,
Насеня носит все троякое:
Едно насеня пахнячий ладан,
Друге насеня зелене вино.
Пахнячий ладан до кадилници,
Яра пшеничка на проскуроньки,
Зелене вино на потешенья,
На потешенья, душ очищенья.

28 На оной гopе, оной высокой,
В раю! В раю Ангелы грают!
Там же ми стоят два явороньки,
На явороньках суть ретежоньки.
На ретежоньках колысанонька,
В колысанонце Божее дитя.
Колысала го Божая Мати;
Уколысала, твердо уснула:
Прилетела к ней ворлове птася.
Взяли дитятко аж на небеси.
Божая Мати пробудилася.
Пробудилася, зажурилася,
Пришли до ней та два Ангелы:
Божая Мати, та не журяся,
Та не журися, барз потешайся,
Твое дитятко юж на небесах,
Юж наша душка у Бога служка

II 2—3(3—4), 9(13), 13 (19) зап. в с. Суковатом, Сяноцкого у.

3 Ци дома сте, пане господарь?
Просив вас, просив вас, пан Бог
На порадойку, на беседойку до себе.
Ой дома, дома, радойки раджу,
Радойки раджу, волойки ставлю.
Суть в вас волойки у три радойки,
И теперь у три, на рок чотыри.
Суть в вас коники у три конничьки,
И теперь у три, на рок чотыри.
Суть в вас овечки три кошарочьки,
И теперь у три, на рок чотыри.
Суть в вас пчелойки у три рядочки,
И теперь у три, на рок чотыри.
Суть в вас копойки у три рядойки,
И теперь у три, на рок чотыри.
Копа на копе, а сноп на снопе,
Копы пашнисты, снопы ряснисты

4 Стоит соснойка серед дворойка
Алилуй, гей, алилуй!
Господи Боже, помилуй!
Ей в той соснойце тройкий хосень
Ей от кореня жовты лишойки,
А в середине яры пчелойки,
А под вершейком сивы соколы.
Поносуются жовты лишейки,
Же их доходят пански хортойки.
Поносуются яры пчелойки,
Же их доходят буйны ручейки.
Поносуются сивы соколы,
Же их доходят дуйны ветрове,
Дуйны ветрове, дробны дожджове.

13 Ей долов ми, долов далеко,
Ялилуй, гей, ялилуй,
Господи, Боже, помилуй!
Там же ми роля та й не ёрана,
Та не ёрана а ни не сеяна,
Й оре ми, ей ёре вбогий седлячок;
З едного коньця ёре, з другого сее.
Лежит ми там, лежит давна стежейка,
А стежейков иде Матенка Божя,
Несе ёна, несе на ручках соколя:
Бог, помогай Бог, вбогий седлячьку! -
Бодай здорова, Матенка Божя! -
Будут ту ити Жиды и Жидовки,
Жиды, й Жидовки, й Жидовки девки,
Не поведай же ты, же я теперь ишла,
Поведай же ты, же я тади ишла,
Коли ты й орав, пшеничейку сеяв! -
Ище Мати Божя пречь гору не прейшла,
Стали ей, стали Жидове вганяти,
Жиды, Жидовки и Жидовски девки.
- Ей, Бог, помай Бог, вбогий седлячьку!
Дав ти Бог счастья, ще ти даст лепше.
Ено намо поведжь, ци не ишла тади,
Ци не ишла тади дака белаглова,
Ци не несла ёна на руках сокола?
- Ишла ёна, ишла, коли я ту ёрав,
Коли я ту ёрав, пшеничейку сеяв,
А теперь уж я пшеничейку зажав -
Стали Жидове радойки радити,
Радойки радити, що мауть робити:
Радойку врадили, назад ся вернули.
Ище Мати Божя гору не перейшла,
Стала ёна, стала хвильку спочивати,
Хвильку спочивати, сына повивати:
Стало ей ся, стало галузья кланяти,
Бучья и коренья и всяке створенья,
Лем ся не клонила проклята й осика,
Проклята й осика и прокляте терня.
Проклята й осика, Бодай есь ся трясла
До суду судного, до веку вечьного!
А прокляте терня Бодай есь кололо
До суду судного, до веку вечьного!

19 Ей через гору Галилейскую,
Ялилуй, Господи, Боже помилуй!
Там же ми бежять санки-писанки,
А в тих саночках три черчикове.
- Та де ж подете, санки-писанки?
- До Радисела, раду радити,
Раду радити, детину кстити. -
Та як же вы го найменуете?
- Та нехай буде ей святый Петро!
Матенка Божя так не любила,
Так не любила и не зволила.
Ей через гору, и проч.
Та най же буде ей святый Павло! -
Матенка Божя, и проч.
Ей через гору, и проч.
Та най же буде сам Иисус Христос! -
Матенка Божя го так зволила,
Ей так зволила и так любила.

II 4(5), 6(9), 11(16), зап. в с. Середнем Сяноцкого у.

5 З за нои горы, з за высокои,
Гей, волы, гей!
Видны ми выходят, трех братов родных,
Еден братцейко, светле сонейко,
Другий братцейко, ясен месячок,
Третий братцейко, дробен дожджейко.
Месячок ся бере заморозити
Горы, долины и верховины,
Глубок поточейки и бистры речейки;
Сонейко ся бере розморозити
Горы, долины и верховины,
Глубок поточейки и быстры речейки;
Дожджичок ся бере зазеленети
Горы, долины и верховины.
Будь Богу хвала з нашого слова!
Богу на хвалу, людём на славу!

9 З за ной ми горы, з за высокои,
Славен еси, гей, славен еси, наш милый Боже,
На высокости, в своей славности, славен еси!
Видны ми выходит тонойкий голос,
Тонойкий голос, топоры дзвенят,
Топоры дзвенят, каменья тешут,
Каменья тешут, церковь муруут,
Церковь муруут во трои двери,
Во трои двери, во три облаки;
У едных дверёх иде сам Господь,
У других дверёх матенька Божя,
У третих дверёх ей святый Петро,
Перед милым Богом органы граут,
Перед святым Петром свечи гореут,
Перед матенков Божов ружа проквитат,
А з тои ружи пташок выникат:
Не е то пташок, лем сам милый Господь,
Што грехи гладит, до неба провадит,
Буду Богу хвала з нашого слова,
Богу на хвалу, людём на славу!

16 А в Риме, в Риме, в Ерусалиме,
Радуйся, радуйся, земле,
Сын нам ся Божий народив!
Божа Мати в полозе лежит,
В полозе лежит, сынойка родит,
Сына вродила, в море скупала,
В море скупала, в рызы повила,
В ризы повила, до сну вложила;
Та зойшлося к ней сорок ангелов,
Сорок ангелов, дванайцять попов,
Взяли сынойка на Ардан реку,
На Ардан реку го охрестити.
Стали они там книги читати,
Книги читати, имья глядати,
Сына Божого а найвышшого;
Именуйме го та святым Петром;
Божая Мати то не злюбила,
То не злюбила, не дозволила;
Именуйме го та святым Павлом;
Божая Мати то не злюбила,
То не злюбила, не дозволила;
Именуйме го Паном небесным;
Божая Мати то излюбила,
То излюбила и дозволила,
То изволила и благословила.

II 4(6) зап. в с. Горнем Вислове, Сяноцкого у.

6 В нашего пана господарейка,
Бог му дав, гей, Бог му дав,
Не заздростете, панове братья, даст и вам!
Ей красне в нёго и дворе ёго,
Тисови сенци, яворовы сходци,
Ходить ми по них молода княгиня,
На той княгины кованый пояс,
На том поясе золоты ретязки,
На тих ретязках медяны кличи:
Медяны кличи, тихо, тихо, дзвините,
Тихо дзвините, пана зобудите!
Бо теперь пан наш з Угор приехав,
А з Угор, з Угор, з Угорской земли.
Зыйшлися к нёму вшитки панове,
Вшитки панове, ёго братове,
Сталися ёго выведовати:
Ой пане, пане, што там чувати,
Што там чувати в Угорской земли?
- Угорска земля пречь поёрана,
Пречь поёрана и посеяна,
Павяным перцем заволочена,
Ясными мечи обгороджена,
Обгороджена од злои тучи.

II 7—8(10—11), зап. в с. Ряпеди, Сяноцкого у.

10 З за тамтой горы, з за высокои,
Славен еси, гей, славен еси, наш милый Боже,
На высокости, славен еси!
Выходит ми там золотый крижик,
А под тим крижом сам милый Господь:
Ой иде, иде, книжейку читать,
Книжейку читать, постойку глядать,
Роздвяного найшов не зповна шесть недель,
А великого зповна семь недель,
А Матки Божей лем две неделе,
А Петрового кивко Пан Бог даст,
Кто же го зпостит по справедливости,
Тому ж ми буде рай ётвореный,
Рай ётвореный, пекло замкнене,
Пекло замкнене, клич затраченый.

11 Ей в поле, в поле, в чистейком поле!
Ялилуй, гей, ялилуй,
Господи Боже, помилуй!
Там же ми й оре золотый плужок,
А за тим плужком ходит сам Господь,
Ему поганят та святый Петро,
Матенка Божя насенечько носит,
Насенья носит, Пана Бога просит:
Зароди, Божейку, яру пшеничейку,
Яру пшеничейку и ярейке житце!
Буде там стебевце саме тростове,
Будут колосойки, яки былинойки,
Будут ми женци сами молодци,
А вязальничьки сами молодчики,
Будут копойки, як звездойки,
Будут стогойки, яко горойки,
Зберутся возойки, як чорны хмаройки,
Звезуть они, звезут з поля до стодолы,
З стодолы у скрынойку, в счасливу годинойку.

IV 136 зап. Уриилом Метеором в с. Скале (Szakolcza), Соболчской столицы в Угорской Руси (см. Свет - литер. газ. изд. в Ужгороде 1868г., н.31)

Топоры звенят, бел камень тешут,
Радуйся,
Радуйся, земле!
Днесь нам сам Спас ся
Народив
Бел камень тешут, церковь будуют,
Церковь будуют с трема вершечки,
С трема вершечки, с трема дверечки
Едны дверечка - исход солнечка,
Друге дверечка — полдень солнечка,
Трети дверечка — заход солнечка,
А три вершечки суть три небеса,
На трех небесах Ангелы звонят,
Ангелы звонят на службу Богу,
На службе поют, С нами Бог! зовут;
Радуйся, земле! бежи на хвалу,
Бежи на хвалу Иисусу Христу!
Солнечно бежит: Не е над мною,
Кедь я загрею на Родство Христа,
Зрадуются ми горы й долины. -
Месяц говорит: Не е над мною,
Кедь я засвечу на Родство Христа,
Зрадуются ми речки, поточки,
Речки, поточки и гор вершечки. —
Зорничка каже: Не е над мною,
Кедь я изыйду на Родство рано,
Зрадуеся ми гость в дорозе,
Гость во дорозе, вся тварь во Бозе. -
Дождь так говорит: Не е над мною,
Кедь я упаду на суху землю,
Зрадуеся ми жито, пшениця,
Жито, пшениця и вся сеебиця.
Пшеничка каже: Не е над мене,
Без мене нигде служба не буде,
Ни в простых церквах, ни в монастырях. -
Радуйся,
Радуйся, земля!
Днесь нам сам Спас
Ся народив
Народные песни Галицкой и Угорской Руси, собранные Я.Ф. Головацким. Колядки
http://kirsoft.com.ru/skb13/KSNews_453.htm
КарпатоВедение
http://sinsam.kirsoft.com.ru/KSNews_755.htm



Рубрика произведения: Поэзия ~ Авторская песня
Количество рецензий: 0
Количество просмотров: 47
Опубликовано: 05.01.2017 в 05:39
© Copyright: Игорь Бабанов
Просмотреть профиль автора










1